மியான்மரில் கடந்த 1990-ம் ஆண்டு நடைபெற்ற தேர்தலில் தேசிய ஜனநாயக லீக் கட்சி வெற்றி பெற்றது. ஆனால், ராணுவம் ஆட்சியைக் கைப்பற்றியதுடன், தேசிய ஜனநாயக லீக் தலைவி ஆங் சான் சூ கியை வீட்டுக்காவலில் அடைத்தது.
15 ஆண்டுகள் வீட்டுச் சிறையில் இருந்த மியான்மர் எதிர்கட்சித் தலைவர் ஆங் சான் சூ கி நேற்று விடுதலையானார்
சூ கியின் விடுதலையையொட்டி, அவரது வீட்டு முன்னர் நூற்றுக்கணக்கான பத்திரிகையாளர்களும், ஆயிரக்கணக்கான அவரது ஆதரவாளர்களும் திரண்டிருந்தனர்.
இந்நிலையில் நேற்று மாலை சூ கி வீட்டுக்காவலிலிருந்து விடுதலை செய்யபட்டதாக அரசு அதிகாரி ஒருவர் அறிவித்தார்.
இதனைத் தொடர்ந்து அவரது ஆதரவாளர்கள், மகிழ்ச்சி ஆரவாரம் எழுப்பினர். .
மியான்மரில் இராணுவ ஆட்சிக்கு எதிராக போராடிய அவர் மக்களிடையே செல்வாக்கு பெற்றார். இதனையடுத்து இராணுவ அரசு அவரை சிறை வைத்துது. 65 வயதாகும் சூ கி மியான்மரில் இருந்த 21 ஆண்டுகளில் சுமார் 15 ஆண்டுகளை சிறையிலேயே கழித்துள்ளார்.
இந்தியாவில் பட்டப்படிப்பு முடித்த, ஆங் சாங் சூ கி 1991 ல் அமைதிக்கான நோபல் பரிசு பெற்றவர் என்பதும் குறிப்பிடத்தக்கது. ஆங் சான் சூ கியை விடுவிக்கக் கோரி, உலக நாடுகள் பலவும் குரல் கொடுத்தும், மியான்மரின் ராணுவ அரசு செவிசாய்க்கவில்லை.
இதனிடையே, 20 ஆண்டுகளுக்கு பிறகு கடந்த 7 ஆம் தேதி நடைபெற்ற நாடாளுமன்றத் தேர்தலில் ராணுவ ஆதரவு கட்சி வெற்றி பெற்றது.
அந்தத் தேர்தலில், ஆங் சான் சூ கியின் கட்சி பங்கேற்க அனுமதிக்கப்படவில்லை என்பது குறிப்பிடத்தக்கது.
கருத்துகள் இல்லை:
கருத்துரையிடுக